رحلة الي حيث كانت طفولتنا

فكـــرهـ أعجبتني و أن شآء الله يعجبكم

\

[ الطفولة ]

\

:

أحلى مافي هالحياه .. مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني

[ بسمه فينا ترتسم ]

رحلة إلى تلك الأيآم ..

حيث البراءة ... الطهارة ... العفوية ... الحب الخالص ... والعواطف النقية...

هنآك فقط .. حيث الطفولة .. ،

رحلة الى حيث كانت طفولتكم

دعونا نتعرف على جانب جميل عشناه جميعنا وتمنينآ عودته جميعا ً

!

[ المحطه الاولى ]

اوصف طفولتك بجملة واحدة

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

.
.

[ المحطة الخامسة ]

هل هناك انسان معين كرهته في طفولتك .. ولماذا ؟

.
.

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

الطريقة رح تكون بإني اختار عضو

ليجآوب ع الاسئلة ..

وهو بدورهـ رح يختار عضو بعدهـ وهكذااااا <<< متعوب عليها

وانا اختار رقم واحد في المنتدي AZzAM

جميلة غادة
فكرة حلوة
::v::

مطلوب ضبط و احضار عزام علي وجه السرعة

للمثول امام باقي الاعضاء

::z::

شكرا مريومة
انت فين يا عزام
::C::

بعد طول انتظار للاخ الكريم عزام

ولعدم ردة علينا طول الفترة الماضية

سوف نستضيف هذة المرة الاخ الكريم

ميدو

ويارب يرد علينا هو كمان

وفي انتظار اجاباتك

ان شاء الله

ههههههههههههههههههههههههههههههههههههههههههههه

دول شكلهم دخلو وشافو الاسئلة وقلبو من غير مايردو

جارى احضار ميدو للمثول امامكم

موضوعك فى قمة الروعة اختى العزيزة

موضوع فوق المتميز

لكى منى كل التقدير والاحترام

تقبلى تحياتى ومرورى

***(((جناب الكومـــــــــــــــــــــــــــــــــــــــــــــــــــــــــــــــــــــــــــــــاندا المهم)))***

[ المحطه الاولى ]

اوصف طفولتك بجملة واحدة

لعب وحب ومرح وسعاده لا توصف مهما قولت
.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

.لما كنت انا واصحابى نعمل حاجه اسمها عشاوه يعنى عشاء كل واحد يجيب اللى يجيبه من فولس جنيه او اكتر ونروح نجيب الاكل فول وطعميه وكوكاكولا ونقعد ناكل واحنا صغيرين وقاعده لا توصف على فكره وانا بقول الكلام دا دلوقتى بكيت والله لما حكيت وافتكرت الحاجات الحلوه دي
.

[ المحطة الثالثة ]

ما هو أصعب أو أحزن موقف مر عليك في طفولتك ؟

لما كنا بنتخانق مع بعض وكنا بنخاصم بعض بس الحمد الله كنا بنتصالح لاننا مش لينا غير بعض اصلا انا واصحابى واحنا صغيرين
.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

بصراحه عادي مفيش حاجه معينه بس وانا صغير والدي جابلى خاتم دهب وانا
.
.

[ المحطة الخامسة ]

هل هناك انسان معين كرهته في طفولتك .. ولماذا ؟

.لالالالالالالا ازاى اصلا طفل يكره
.

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

.اصعب مره انضربت فيها لما زعلت اختى اللى اكبر منى والدي ضربنى ضرب
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

.لالالالالالا لما احس بكا خالص الحمد الله والشكر لله
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

.استغمايه لاننا كنا بنخترع ونشوف اماكن نستخبا فيها من بعض
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

ان شاء الله وهزود حاجات ان شاء الله

تحياتى لكى يا غداه على هذه الفكره

بجد والله العظيم وانا قاعد برد افتكرت حاجات كتير وانا صغير ياه مش قادر اقولك لو قولتلكم مش هتصدقونى والله بكيت وانا بجاوب لانى افتكرت حاجات مفيش احسن منها تمر على عمر الانسان غير مرحله الطفوله وجسمى اشعر والله لما اتفكرت مرحله الطفوله والالعاب اللى كنا بنلعبها وكل حاجه

ما احلى مرحلة الطفوله

تحياتى لك اعضاء همسه بحر الكرام

انا اختاااااااااااار اللى بعدي مريم

::z::

[ المحطه الاولى ]

اوصف طفولتك بجملة واحدة

كانت رائعة براءة و سذاجة و كنت هادية شوية

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

لما كنت بسافر مع اسرتي و شخص كان زي اخويا بالظبط الله يرحم الجميع كانت احلي ايام في عمري

[ المحطة الثالثة ]

ما هو أصعب أو أحزن موقف مر عليك في طفولتك ؟

لما انتقلنا من بيتنا القديم لبيت جديد و سيبت صحابي و كنت عارفة اني مش هبقي معاهم تاني

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

بابا جاب ليا ساعة كنت بحبها اوي

[ المحطة الخامسة ]

هل هناك انسان معين كرهته في طفولتك .. ولماذا ؟

لا الطفولة براءة مينفعش اكره و لا حتي و انا كبيرة

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

و الله بجد عمري ما اتضربت مش عارفة ليه بس يمكن لاني كنت مطيعة حبتين

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

لا محستش بالغيرة ابدا

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

كنت بحب اللعب انا و اختي بالعرايس بتاعتنا و ماما كمان كانت بتلعب معانا

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

اكيد و هزرع فيهم كل شيء حلو

شكرا غادة علي موضوعك الرائع

تسلمي

اختار العضو اللي بعدي يكون

جناب الكومندا المهم

[ المحطه الاولى ]

اوصف طفولتك بجملة واحدة

طفولة بريئة وجميلة وكلها حنان وحب وعطف

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

لما كان والدى بيلعب معايا وانا صغير كنت بجد فى قمة الفرحة وقتها

ولغاية النهاردة انا فاكر كل حاجة كان بيعملها معايا

[ المحطة الثالثة ]

ما هو أصعب أو أحزن موقف مر عليك في طفولتك ؟

لما والدى سافر على السعودية للعمل هناك

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

بصراحة مش فاكر حاجة معينة انا كان عندى حاجات كتير وحلوة

ودة لأنى انا اكبر واحد فى البيت فكنت واخد حقى شوية

بس دة وانا صغير بس لكن لما كبرت اخدت على دماغى

[ المحطة الخامسة ]

هل هناك انسان معين كرهته في طفولتك .. ولماذا ؟

ماعتقدش ان فى طفل ممكن يعرف الكرة وهوة لسة صغير كدة

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

كنت مرة بعلب انا واخويا الى اصغر منى قمت خبطة فى مراية التسريحة

وايدة اتخيطت وطلت ضرب يومها عمرى ماهانساة فى حياتى

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

لعبة اسمها كهربا

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

طبعا وهايكون اكتر كمان

مشكورة غادة على موضوعك الجميل والرائع دة

انا هاختار العضو الى بعدى

الادمن

لكى منى كل تقدير واحترام

تقبلى تحياتى ومرورى

***(((جناب الكومـــــــــــــــــــــــــــــــــــــــــــــــــــــــــــــــــــــــــــاندا المهم)))***

[ المحطه الاولى ]

اوصف طفولتك بجملة واحدة
طفوله هادئه و مستقره و سعيده

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟
مش فاكره حاجه معينه مميزه بس يمكن اكتر حاجه اما كنت بتجمع مع اهلي كلنا و نهزر مع بعض

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟
مش فاكره حاجه ممكن تكون صعبه او حزينه ( مش فاكره اتغديت ايه النهارده )

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟
كانت مجموعه اقلام من اخويا الكبيره و مجموعه قصص دينيه من اختي

.
.

[ المحطة الخامسة ]

هل هناك انسان معين كرهته في طفولتك .. ولماذا ؟
لا

.
.

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟
كان في تطعيم حقن في المدرسه و انا مردتش لاني بخاف من الحقن اما روحت قولت لماما و ضربتني كنت في 3 ابتدائي

.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟
لا كلنا كانت المعامله بينا عاديه و هما اللي كانوا بيهتموا بيا و يمكن هما اللي يغيروا مش انا لاني الصغيره فيهم

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟
الاتاري
انا و اخويا دايما كنا بنلعب سوا و اما كبرت شويه العاب الكمبيوتر

.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟
هحاول اعلمهم اللي اتعلمته من اهلي و اللي اتعلمته من الدنيا كمان
كل عصر مختلف عن اللي قبله

شكرا يا كومندا
بجد كنت فرحانه جدا
هطير من الفرحه
اما عرفت

العضو اللي بعدي

zanoo

شكراااااااااااااااااا غادة على موضوعك الجميل

بجد حبيبتى موضوع رائع بجد

لان الطفولة مرحلة جميلة جدااااااااااااااااااااا

ونحن فى انتظار zanoo

معلش يا جماعة انا مكنتش واخد بالللى والله ميدو هو اللى قلى
وانا اسف يا جماعة مرة تانية

((( المحطه الاولى )))

اوصف طفولتك بجملة واحدة

بصراحه طفولتي كانت شتات

((( المحطة الثانية )))
ما هو اجمل موقف او اجمل ذكرى تتذكرها من طفولتك
لايـــــــــــوجـــــد

((( المحطة الثالثة )))
ما هو أصعب أو أحزن موقف مر عليك في طفولتك
كلهم حـــــــزن

((( المحطة الرابعة )))
ما هي أجمل هدية تلقيتها في طفولتك ولم تنساها لليوم
هديه من وحدة وتعني لي كثير وإلا الأن مش قادر أنساها بس سافرت لبنان
((( المحطة الخامسة )))
هل هناك انسان معين كرهته في طفولتك .. ولماذا؟
لاتعلـــــــــــــــــــيق

((( المحطة السادسة )))

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

كلنا انضربنا اكيد
مكنتش عايز اروح المدرسة لان البنت اللى كنت بحبة كانت مسافرة وكنت عايز اشفها

((( المحطة السابعة )))

هل كنت غيور بطفولتك من اخوانك وتحس فيه تمييز بينك وبينهم ؟
بصراحة لالا

((( المحطة التاسعة)))

هل ستربي اولادك بنفس الطريقة التي تربيت بها في طفولتك؟
مستحيل
هربيهم احسن منى علشان انا شفت الدنيا على حقيقتها
شكرا يا ادمين

وشكرا يا غادة على الموضوع دة
واللى بعدى
شذا روحى

الطفولة.. أحلى الايام... احلى الذكريات..
الطفولة..البراءة... الطهارة... العفوية... الحب الخالص... والعواطف النقية...

الطفولة... الامان... والاطمئنان... الراحة... وصفاء البال...

الطفولة...الشقاوة... الفضول.. حب الاكتشاف... التهور البريء الجميل...

نحن فى انتظار
شذا روحى

يا جماعة
انا هخلى غادة بدل شذا روحى
ربنا يعينك يا غادة
::e::

ارسى يا zanoo

اختار عضو وارسى عليه

فى انتظار غاده

::z::

[ المحطه الاولى ]

اوصف طفولتك بجملة واحدة

شقا وة (كان اسمي الواد الجن )
وسعيدة ومستقرة الحمد لله
.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

بنت عمي وحبيبتي كانت قاعدة معايا في البيت

كانت احلي ايام عمرنا يارب اشوفها علي خير وربنا يشفيها
.
.

[ المحطة الثالثة ]

ما هو أصعب أو أحزن موقف مر عليك في طفولتك ؟

_موت جدي كان صعب عليا جدا مع اني كنت صغيرة جدا

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

طبعا عروسة ومن بابا

.
.

[ المحطة الخامسة ]

هل هناك انسان معين كرهته في طفولتك .. ولماذا ؟

لا طبعا انا عمري ما اعرف اكرة ابدا فما بالك بالطفلة

.
.

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

ابدا عمري ما اضربت الحمد لله

.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

_لا اطلاقا الحمد لله
.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

.طبعا بالعروسة مع اختي وكمان اوعو تضحكو عليا كورة مع اخويا

.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

_الحمد لله بربيهم بنفس الطريقة

لكن جيل عن جيل بيفرق كتير

فعلا احلي مرحلة في عمر الانسان مرحلة الطفولة

العضو اللي بعدي

لنا الله

الف شكر يا غاده على هذا الموضوع الرائع
ذكرتينا باحلى مرحلة
بحياتنا مهما كانت ظروفها
ولا ايه يا
zanoo
::l::

انا اسفة يا جماعة على التاخير
ظروف منعتنى من الدخول على الانترنت
ياريت تتقبلوا اعتذارى......وفى انتظار اختياركم مرة ثانية
لان ده اكيد شئ يسعدنى
تقبلوا منى ارق التحيات

...........شذا روحى...............

مشكورة غاده على ردك
وفى انتظار لنا الله
والله معك يا شذا روحى

::v::

شكرا غادة على موضوعك الجميل
دة
وكلامك صح يا نسيم

معلش يا جماعة انا بصراحة مصدقت لقيت النت شغال
هاخد مكان لنا الله وهيا باذن الله بعدى

[ المحطه الاولى ]

اوصف طفولتك بجملة واحدة
طفولة مضطربة بين الفرح والحزن

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟
فى العيد كانت العيلة كلها بتتجمع عند جدى وجدتى واطفال العيلة كلها تيجى اولاد خالاتى وخيلانى كنا بنلعب كتير ونركب المرجيحة ونتصور كتير كانت احلامنا صغيرة وتقريباً ده كان مصدر سعادتنا ولحد دلوقتى لسه بنعمل كده وبيبقى العيد احلى موقف بيمر عليا فى طفولتى ولحد دلوقتى

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟
أصعب موقف لما بابا وماما سافروا للعمرة عيطت كتير ومسكت فيهم مكنتش عاوزاهم يمشوا ابداً

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟
كانت العرايس اللى بابا كان بيجبهالى وانا صغيرة وعروسة العيد كانت بتبقى ليها طعم خاص

.
.

[ المحطة الخامسة ]

هل هناك انسان معين كرهته في طفولتك .. ولماذا ؟
طبعاً الاطفال ما بيكرهوش بس انا كنت مبحبش ولد جارنا كان بيضربنى كل اما يشوفنى ويخطف الحاجة الحلوة بتاعتى اما اكون لسه شارياها ....كنت بترعب منه ومبحبوش....بس ما اظنش انها توصل لدرجة الكره

.
.

[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟
هههههه طبعاً يا ما انضربت واخدت على دماغى بس اكتر مرة انضربت فيها
معلش اصلى انضربت كتير
مش فاكرة كنت عند جارتى ولما رجعت لقيت بابا كان بيضرب اختى فاخدنى فى سكته
.بس كانت حتة علقة محترمة من غير سبب
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟
اوقات كنت بحس انهم بيفرقوا بيننا انا واختى وبين اختى الكبيرة يعنى اختى الكبيرة دى عمرها ما اضربت فى حياتها....وانا واختى التانية الله اكبر ياما اكلنا ضرب لاننا مكناش بنسكت واللى ما يعجبناش نقول عليه...لكن اختى الكبيرة كانت بتسكت وتكتم فى نفسها ....بس الغيرة دى مكنتش بقفتكرها غير فى اوقات الضرب بس...

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟
استغماية طبعاً وكهربا ونط الحبل
.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟
طبعاً هغرس فيهم القيم والمبادئ كما كان والدى يربونى ....ان شاء الله اولادى هيكونوا نور عيونى هحاول امنع عنهم اى شئ ازعجنى وانا صغيره....لازم احضر ندوات واقرا كتب كتير عن تربية الاولاد ...لان والداى فى فهمهم لى واخواتى الحقيقة مكنش فى اى تفاهم بيننا.....عشان كده باذن الله اولادى لازم اكون صديقتهم المقربة ...اتفهمهم دايما وان شاء الله اكون لهم نعم الام....ربنا يعينى باذن الله

شكرا ميدو
على اختيارك لى
وارق تحياتى لجميع اخوتى واخواتى فى هذا المنتدى الرائع
تقبلوا منى جزيل الشكر

العضو اللي بعدي
لنا الله

شكرا لكي شذا روحي

حبيبتي علي كلماتك الرائعة وطفولتك الجميلة

وفي انتظار اخي الكريم

لنا الله