يوميات المواطن حنفى

تذكير بمساهمة فاتح الموضوع :

السلام عليكم با أحلى اعضاء
النهاردة جايبلوكوا يوميات جديدة ويا رب تعجبكم

يوميات المواطن حنفي

الحلقة الاولى : فى البيت

(حنفى نازل الشغل الصبح بدرى )
الزوجة : انت نازل الشغل ياحنفى ؟
حنفى : لا نازل ألعب كوره ياولية بطلى الاسئلة المتخلفة دى
الزوجة : طب بس براحة عليا شوية ده احنا لسة على الصبح يعنى
حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دى
الزوجة :استغفر الله العظيم يارب ايه ياراجل انت هو انت راكبك عفريت ولا ايه؟
حنفى : وهو برضه فى عفريت يطيق يقعد فى شقة انتى قاعدة فيها؟
الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية
حنفى : ليه ؟ هو النهاردة كام فى الشهر؟
الزوجة :النهاردة أول يوم فى الشهر ياحنفى و مافيش ولا مليم فى البيت
حنفى : ياولية هو انتى منبه بيضرب أول كل شهر ؟ مافيش مرة كده تحصل معجزة وتنسى موضوع المصروف ده؟
الزوجة : قصر ياحنفى وهات الفلوس عشان اشوف اللى ورايا
حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينى
الزوجة : اللهم طولك ياروح ياراجل انت هو انت مافيش يوم تعديه كده من غير خناقة
حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملح
الزوجة :حنفى
حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك.
(وبعدين يرزع الباب وينزل )

ولو عجبتكم عرفوني وهنزل باقي الحلقات

تماااااااااااااااااام حلقة جامدة

تسلم الايااااااااااااااادى

ومنتظرين الجديد

::z::

شكرا يا ذات النطاقين
على ردك الجميل

تسلم ايدك ياظنوووووووو

والله الحلقة جميلة جدا وجامدة كمان

الحلقات كلها اجمد من بعضها

حنفى : الهى ياشيخ تنطس فى نظرك , الهى وانت ماشى تخبط فى شجرة , الهى عصفورة تعمل على دماغك و ماتلاقيش منديل تمسح بيه . هو أنا كنت باكل من جيب أبوك يابنى ولا انا كنت باجى أطفح عندك ببلاش . انت مالك انت , حاجة غريبة والله , هو انت شغال بياع فول ولا مخبر فى أمن الدولة

حنفى : مضطر يااخويا , أصلك أقرب واحد للشغل , وهو لو كان فى حد غيرك كنت فكرت أقرب منك أصلا و وهو انت الاكل اللى بتعمله ده يبقى أكل بنى آدمين ده أكل بهايم يابنى بس هنعمل ايه بقى , أدينا صابرين

حنفى : ترد عليا , الهى ترد المية فى زورك ياشيخ , يلا فى ستين داهية أنا خافى يابتاع أكل البهايم

بجد جامدة

تسلم ايدك ياجميل

لك منى كل تقدير واحترام

تقبل تحياتى ومرورى

***(((جناب الكومــــــــــــــــــــــــــــــــــــــــــــــــــــــــــــــــــاندا المهم)))***

شكرا على مرورك يا باشا
::v::

تماااااااااااااااااااااااااااام

يا ظنو

حلقاتك كلها تحفة بتعجبني اوي

دا حنفي مش سايب حد في حاله حتي بتاع الفول

هههههههه

تسلم ايدك علي المجهود الرائع

حلقه روعه يا zanoo
متتاخرش علينا كده
فين باقي الحلقات

سلمت يداك
و نزل باقي الحلقات بسرعه

اوكى يا ادمين
الحلقة الخامسة

الحلقة الخامسة : فى الشغل

(طبعا زى مانتو مش عارفين , حنفى شغال مدرس فى مدرسة اعدادية , وبما إن اليومين دول فى امتحانات فحنفى كان عنده مراقبة على لجنة . حنفى دخل اللجنة وبدأ يعمل شوية حركات من بتوعه)

حنفى : اسمع يافاشل انت وهو , حسك عينك أى واحد فيكم يفكر , مجرد انه يفكر بس فى إنه يغش حرف من اللى جنبه , والحمام ممنوع , لو العملية قفلت معاك أوى , اعملها على نفسك واحنا هنبقى نتصرفلك فى هدوم , وممنوع حد ياخد أدوات من غيره , انتو جايين امتحان مش محل بلاى ستيشن , سامع يافاشل منك له .
(العيال قعدت تبص لحنفى وهو بيكلم , وكأنها بتبص لمخلوق فضائى جاى من المريخ , ومستغربين انه داخل عليهم سخن أوى , المهم ورق الاجابة جه , وحنفى بدأ يوزع الورق )
حنفى : كل جحش فيكم يكتب اسمه ورقم جلوسه على الورقة من برة ويحط أى حاجة تحت الورقة عشان الكلام مايطبعش وتكتب اسم المادة فى الخانة اللى فوق دى .
أحد التلاميذ : أستاذ , أستاذ
حنفى : هو احنا هنبتدى أسئلة من دلوقتى , عايز ايه يا منيل
التلميذ : هو احنا هنمتحن مادة ايه النهاردة؟
حنفى : نعم ياخويا, هتمتحن مادة ايه النهاردة , ده انت هتتعلق حالا
التلميذ : لا والنبى ياأستاذ , كله الا التعليق ده أنا كنت بهزر معاك والله
حنفى : بتهزر , طيب ,, أنا هاعرفك ازاى تهزر تانى معايا
أحد التلاميذ : أستاذ , أستاذ
حنفى : اللهم طولك ياروح , فيه ايه يابنى ,عايز تهزر انت كمان ولا حاجة؟
التلميذ : لا ياأستاذ , أصل أنا كنت بكتب وأنا سرحان فكتبت اسم اللى جنبى فى ورقتى بدل مااكتب اسمى
حنفى : الله يخربيتك , هو انت هتبدأ الغش من دلوقتى , يعنى أعملك محضر غش دلوقتى
التلميذ : محضر غش ازاى ياأستاذ , هو ورق الاسئلة اتوزع لسة ؟؟
حنفى: ده انت بتتلامض كمان , ده انا هبهدلكم النهاردة , اعمل خط صغير على الاسم اللى انت كتبته واكتب اسمك فوقيه
التلميذ : بس فى حاجة تانية ياأستاذ
حنفى : قول ياخويا , ماهو أصلا اليوم باين من أول ماشوفت مراتى الصبح
التلميذ : الواد اللى جنبى برضه كان سرحان وهو بيكتب اسمه ,فكتب اسمى فى ورقته بدل مايكتب اسمه.
حنفى : الله يخربيتكم انتو الاتنين , خلاص يا ساقط انت وهو بدلو ورقكم مع بعض
التلميذ : نبدل الورق ؟! بس ده كده يبقى غش ياأستاذ
حنفى : ده انت يومك مش هيعدى النهاردة . غش ايه يا أبو جهل ,هوانتو خدتوا ورقة الاسئلة لسة
التلميذ : هو مش انت كنت عايز تعملى محضر غش من شوية ؟؟
حنفى: مستعجل أوى على المحضر , ماتقلقش نفسك , المحضر هيتعملك النهاردة لو فضلت تتلامض كتير كده
التلميذ : لا خلاص , انا اسف ياأستاذ

( ورق الاسئلة جه , وحنفى وزع الورق على التلاميذ)

............ مستني آرئكم ................
.... نكمل بكرة في الحلقات الجاية ......

يا رب يكون عجبكم
::W::

هههههههههههههههه ::h::

دة حـــــــــنفى دة مشكلة لا مصيبة بجد
والله لو وقف قدام مرايا هيتشاكل مع نفسه
بس حلقات تحفة اســــــــــــــــــتمر بقا :::2A:::

شكرا على مرورك يا
كتكوتة
::v::

حلقات جميله يا zanoo
في انتظار باقي الحلقات
تسلم ايدك

مشكور ظنو

تحياتى لك على الموضوع الاكثر من رائع

فى انتظا ر بقاى الحلقات ان شاء الله شد حيلك

::z::

والله يوميات روعة انا قرتها كلها
بس حنفي مسكين الكل بيشاكل فيه
تسلم ايدك اخي العزيز
تصدق والله تنفع تكون يوميات في سلسلة تطلع
على التلفزيون ويا ريت لو كان محمد صبحي
هو دور حنفي حتكون خبطت الموسم
ويمكن تاخذ الاوسكار كمان
ابدعت يا زانوووووووووو يا ريت تكمل
احنا في انتظار

::m::

تحياتي

يوميات رائعة ظنو

تسلم ايدك

ومنتظرين باقي اليوميات

بجد بجد رائعة

شكرا على مروركم
nasimo elhoriah مشكورا

ههههههههههههههههههههههههه

بجد حنفي دا تحفة

مش عاتق حاجة و لا حد

في انتظار الحلقة السادسة

متحرمناش من حنفي

شكرا ظنوا متعتنا

شكرا على مشركتك مريم
وكل حلقة وانتى بخير
ههههههههههههههههه
::v::

ايه ده يا zanoo
انت طولت علينا كثير بالحلقة السادسة
احنا مستنييين على نار
ولا انت بتستعمل معانا اسلوب التشويق....؟
احنا في انتظار
يا كاتب يا عظيم
:::3A:::

فـــــــــــــين ياناس الحلقه ::Y::

كــــــــــــده ينفع يعنى
ولا عمنا حنفى واخد اجازة من خنقتة ع الناااااااس
ولا راح فين بقا ::x::

الحـــــــــــــلقه ::C::

الحلقة السادسة

حنفى : ماسمعش نفس فيكو دلوقتى , كل واحد فيكو يركز فى ورقته ويكتب اللى هو عارفه , اللى هشوفه بيتلفت بس هاسحب منه ورقته , الامتحان زمنه ساعتين , ساعتين وخمس ثوانى يكون ورق الاجابة كل عندي , واللى هيتأخر عن خمس ثوانى , يبقى ياخد ورقته ويديها للراجل بتاع عربية الفول اللى تحت المدرسة , حد عنده سؤال؟
أحد التلاميذ: أستاذ , أستاذ
حنفى : أيوة
التلميذ : هو يعنى ايه السؤال اللى فى أول الورقة فوق ده ؟
حنفى : قول السؤال و أنا أقولك معناه
التلميذ : مكتوب امتحان دور مايو للصف الثانى الاعدادى 2008/2009,
يعنى هو عايز مننا ايه فى السؤال ده ؟

حنفى : عايز يعرف مستوى غباء كل واحد فيكو أد إيه , وبيتهيألى انت هتاخد أعلى نسبة على مستوى الجمهورية
التلميذ : يعنى أكتب فى إجابة السؤال ده نسبة الغباء كام فى المية ؟
حنفى : لا سيبه فاضى وحل اللى بعده على مانسألك مدرس المادة , يافاشل
حنفى : يلا يابنى انت وهو, عدى ربع ساعة و 3 دقايق و33 ثانية , يعنى فاضلكم ساعتين الا ربع الا 3 دقايق الا 33 ثانية , يلا عشان الامتحان طويل
حنفى : خف ايدك بسرعة انت وهو , عدى نص ساعة الا خمس دقايق , يعنى فاضلكم ساعة ونص وخمس دقايق
أحد التلاميذ : ياأستاذ كده حضرتك بتوترنا , مش كل شوية تقول الوقت , احنا كده بنقلق
حنفى : طيب ياعم زويل , محسسنى انك هتنجح يعنى , والنبى ده منظر متعلم أساسا؟!
التلميذ : الله يسامحك ياأستاذ
حنفى : ياعينى يابنى , قطعت قلبى . خلص وبطل كلام , عيال آخر زمن صحيح
(حنفى لقط واحد من التلاميذ بيطلع ورقة مخبيها تحت الطاقية )
حنفى : حلاوتك يامعلم , بتغش ياض
التلميذ : والمصحف الشريف ماغشيت ياأستاذ
حنفى : طلع الورقة بالذوق عشان ماقطعلكش ورقة الاجابة
التلميذ : ورقة ايه ياأستاذ , والله مامعايا ورق ولا حاجة , أنا الحمد لله شاطر ومش محتاج أغش
حنفى : طب اقلع الطاقية
التلميذ : وايه علاقة الطاقية بكلامى مع حضرتك , هى الطاقية هتغش ولا ايه ؟هههههه
حنفى : وكمان بتهزر , اقلع الطاقية يلا
التلميذ : ياأستاذ ماينفعش , أصل أنا عندى الايدز والدكتور قاللى ماقلعش الطاقية دى خالص , أصل أنا لو قلعتها هاعدى كل اللى حواليه , وانت عارف بقى ان الايدز بيجيب كحة وسخونية وحاجات من كده , وأنا خايف عليك والله ياأستاذ
حنفى : يعنى مش هاتقلعها , طيب
( حنفى راح مكتف الواد , وقلعه الطاقية , ولقى الطاقية مردومة ورق)

حنفى : نهارك مش معدى

التلميذ : والله ياأستاذ آخر مرة , أصل أنا لو مانجحتش فى الامتحان ده , أبويا هيطلق أمى
حنفى : الهى البيت يولع بيهم هما الاتنين و العالم يستريح من الاتنين اللى جايبينك , ده انت يابنى كده كتبت على نفسك حكم بالاعدام , ولما تبقى تروح , أبقى طمنى أبوك طلق أمك ولا لسة
التلميذ : عشان خاطرى ياأستاذ
حنفى : خاطر لم يخبطك ويجيبلك ارتجاج فى المخ يابعيد , بره , اطلع برة واعتبر نفسك شلت المادة , عشان تتعلم الادب بعد كده
(الواد خرج من اللجنة , بعد ما حنفى عمله محضر غش , وحنفى كمل مراقبته على اللجنة )
حنفى : فاضل من الوقت ربع ساعة
حنفى : فاضل من الوقت عشر دقايق
حنفى : فاضل من الوقت خمس دقايق
أحد التلاميذ : ايه ياأستاذ , هو انت مركب لساعتك موتور عربية ؟؟
حنفى : خلص ياابو لسان عشان فاضل خمس دقايق , وعشان استظرافك ده , فاضلك دقيقتين بس
التلميذ : طب وتتعب نفسك ليه , اتفضل الورقة أهى ,الله يخربيتك (بصوت واطى)
حنفى : ياسلام على الثقة , أبقى قابلنى ان نفعت . يلا يابنى انت وهو , زى ماقلتلكو قبل كده اللى عايز يجيب ورقته دلوقتى يجيبها , واللى مش عايز بتاع الفول مستنيه تحت .
(حنفى لم ورق الاجابات كله , بعد ماطلع عين العيال ووترهم , وكان السبب فى ان عشر عيال شالو المادة دى ده غير ان الاول على الفصل نقص عشرين درجة فيها .... بركاتك ياشيخ حنفى)

معلش يا جماعه اتاخرت عليكو

بس قولت اشوقكو شويه ع الحلقات

وان شاء الله تلاقو احلي حلقات تاني

اية يا جماعة الحلقة وحشة ولا اية
::x::

هههههههههههههههه

جميل يا ظنو

بجد حنفي مش سايب حد قرب يتخانق مع نفسه

بس و الله فكرتني باللي كان بيحصل في لجنة الامتحانات

خصوصا

حنفى : فاضل من الوقت ربع ساعة
حنفى : فاضل من الوقت عشر دقايق

كانت بتنرفزني موووووووووووووووووووووووووووووت

كنت ببقي عايزة اقولهم خليهم عشانكم و امشي

تسلم ايدك و مجهودك

متحرمناش منك و لا من حنفي

» يوميات شاب روش طحن
» يوميات شاب روش علي الشات
» يوميات زوجين علي النت
» يوميات طفل شقيان جداااا...!!
» يوميات مواطن عربي