(((فعلتها مع اختك من قبل)))

بسم الله الرحمن الرحيم

السلام عليكم و رحمة الله و بركاته

هل فعلتها مع اختك من قبل ..

جــاوب و بكل صراحــهـ ..

متى أخر مره دعوت اختكـ على مطعم ..؟؟

أو فكرت بالجلوس معها ..؟؟

هل ستكون الاجابه .. بالأمس ..؟؟

منذ شهر ..؟؟

منذ سنه .؟؟

لم ادعوها في حياتي ابدا ..!!

تختلف إجابتكم .. من شخص لاخر ..

لــكـــن .. !!

هل سألت نفسك ..

ماهي ردت فعلها لو جربت ودعوتها أو أعطيتها جزء من وقتك ماالاثر الذي ستتركه في قلبها .. ؟؟

فجميعنا يعلم أن الأخت تحب أن يكون لها أخ ترى منه الإهتمام والعطف والحنان ..

فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ،

فأنت تحكي لها قصة وهي تحكي لك ...تصبحون اصدقاء بدل من ان تبحث عن صديق غيرك

ربما تقول ..

مشغول ..

مش فاضي لها ..

ولو كان احد اصدقائك لقدمت له عينيك ..

ان ماكنت فاضي لها كما تزعم .. فمن الذي سيفضى لها .. ؟؟

أتريدها ان تبحث عن رجل اخر غيرك .. ؟؟؟

ولو بحثت ستجد .. !! و ستجد الكثير و الكثير

نعم ستجد تلك الذئاب التي ستعطيها مالم تجده عندك ..

فلتحاولو جميعا أن تعطو أخواتكم شيئاً من وقتكم ..

فهن يستحقين هذا ..

وأنتن يا بنات ما سيكون إحساسكن عندما تجدن لفتة إهتمام كهذه من إخوانكن ؟؟

اللهم احمي شباب المسلمين و اكرمهم

تقبلوا ما طرحت

و لكم كل الحب و التقدير

والله
احنا تلاتة ولاد وبنت
اختنا دى متجوزة
تقريبا انا لو عندى ابن مش هحبه زى اولادها
دا بالنسبة لاولادها
امى حبى لاختى دا شيئ خارج عن الوصف

طبعا قمة السعادة انك تشعرى بالاهتمام من اخوكى
ولله الحمد والمنة انا عندى اخين ربى يحفظهم
كنا نقعد ونتكلم بس دلوقتى هما بعيد ربنا يرجعهم لنا بالسلامة

ودى
دموع

شكرا اخي السياسي

ربنا يحفظ لك اختك الكريمة و يخليك ليها

شكرا دموع الوفاء

يارب تتجمعي انتي و اخواتك الكرام علي الف خير

شكرا لمروركم الكريم

::v::

اشكرك اختى العزيزة على موضوعك الرائع دة

موضوع فعلا حساس جدا

كنت اتمنى من الله انتكون لى أخت

بس ربنا حققلى امنيتى دى متاخرة اوى

أختى دلوقتى عمرها سنتين ونص وهى اصغر اخواتى

كنت اتمنى ان تكون اكبر من كدة

عشان اكون قريب منها اوى

بس امنية حياتى

ان يمد لى الله فى عمرى وان أراها عروسة فى بيت زوجها

وعلى فكرة انا ليا أخوات كتير بنات بس مش أخواتى

بنات تعرفنى ولما بتكون عندهم اى مشكلة

بيتصلو عليا وبيكلمونى

وبيحكولى مشكلتهم

وعلى قدر ما أعطانى الله من استطاعة بكون جمبهم

بس تحدثنى نفسى عنهم

فين اخواتهم الشباب

لية مايكونوش هما مكانى

ويصاحبو أخواتهم ويكونو جمبهم

بس ارجع واقولك موضوعك فعلا أكثر من رائع

لكى منى كل تقدير واحترام

تقبلى تحياتى

***(((جناب الكومــــــــــــــــــــــــــــــــــــــــــــــــــــــــــــــــــــــــــاندا المهم)))***

بصراحة مش جربتها
ولكن

احنا بنخرج مع بعض
حتي شغلنا أصبح مع بعض
ماعدا الصغيرة عشان لسه في الكليه

بس والله فكرة
أن شاء الله أجربها

وانتي جربيتها ولا لأ؟؟؟؟
ده لو ممكن اسالك؟

شكرا اخي جناب الكوماندا المهم

يارب اختك تكبر و يخليها ليك يارب امين

شكرا الطائر الحزين

اه طبعا ليكي كل الحق في انك تسالي

و الله انا ليا اخين و الاتنين اصغر مني بس مش بكتير

و واحد منهم شوية قريب مني و كمان احنا بنفهم بعض اصحاب بس مش في كل حاجة يعني بيكون دايما فيه خط احمر

و اخويا التاني فرق السن بيني و بينه مخليني احس اني وصية عليه او بخاف عليه بزيادة

بس احنا الحمد الله بنحب بعض اوي و قريبين من بعض جدا

::v::

***(((فعلتها مع اختك من قبل)))***

(((فعلتها مع اختك من قبل)))