السلام عليكم و رحمة الله و بركاته
بصراحه انا الفكره بتاع الموضوع ده جات في بالي وحبيت اعملها وقتي , مش عارف ليه , بس حبيت اسال الناس , الشباب والبنات سؤالين
هاسأل الشباب عن :
معنى الرجوله عندهم ؟
-هل هي شنب ودقن
-ولا جسم وجيم وبينش وترابيس وهز أكتاف
-ولا رقه وشهامه مع البنات
-ولا هي تامر وعمرو وحماقي
-ولا هي فلفلة شعر ونضاره شمس وموبايل 3310 وجذمه تمبرلاند وحظاظه
-ولا انك تصبح صاحبك وتمسي عليه وتشربوا سجارتين سوا
-ولا انك تساعد الناس
-ولا انك تتخانق مع صاحبك
ولا ايه
في رايك انت المفروض الراجل يبقى شخصيته وهو على بعضه عامل ازاي ؟؟؟؟
ده سؤالي للرجل
--------------------------------------------------------------
وسؤالي للبنات :
معنى الأنوثه عندك ؟
-هل هي صوت رفيع ورقة والذي منه
-ولا هي لبس ومكياج ولينسيس وجينز وباضي ضيق
-ولا هي دلع مع الاولاد والارتباط مع ولد بحب وعشق وولهان وغرام
-ولا الأنوثه عندك نانسي واليسا وهيفا
-ولا هي ادب ولبس محترم والبعد عن الشباب وعدم الكلام معاهم من غير صفة قرابة ومساعدة الناس على اد ماتقدر
-ولا مطبخ وغسيل ومسح ونشر
ولا هي ايه بالظبط
----> في رأيك انتي المفروض الأنثى تبقى شخصيتها وهي على بعضها عامله ازاي ؟؟؟؟
-----------------------------------------------------------------------------------------
يا ريت الكل يشاركني الحوار
ويا رب الموضوع مايبقاش خنيق ومالوش لازمه
تقبلوا ما طرحت
موضوع: *** (ماذا تعني عند الرجل و المرأة) *** 
الجمعة مارس 20, 2009 9:07 pm
