(الفرق بين طريقة اكل الولد والبنت)

بسم الله الرحمن الرحيم

السلام عليكم و رحمة الله و بركاته

تعالوا اوريكم الفرق بين البنت و الولد في طريقة الاكل

[size=24]البنت[/size]

::

*تغسل ايديها بميه و صابون وتنشفها كويس اوى و ده قبل الأكل طبعاً.

*تمشي براحه كده وبهدوء لمكان الاكل او تساعد مامتها فى رص الاكل.

*و تقعد ع التربيزه تبص للى قاعدين و ما تكلش الا لما يبتدوا هما .

*تمسك الملعقة براحه و ممكن تحط فوطه على رجلها نضافه بقى

*تقول بصوت ناعم""بسم الله ""

*تبدأ بأكل السلطه او الشربه عشان تفتح شهيتها.

*و بعدين تعد 15 حباية رز و تاخدهم على المعلقه.

*تمضغ الاكل براحه و متسمعلوش أي صوت.

*و بعد ما تخلص تقريبا فى 4 دقابق تحط المعلقةوتقول""الحمد لله"

*تقوم بنفس الهدوء الى قعدت بيه و تروح عالحمام عشان تغسل ايديها و بعدين ترجع عشان تساعد مامتها فى الشيل

[size=24]الولاد[/size]

* اول ما يقول يفتاح يعليم و لا قبل ما يقولها يروح مشمر ذراعته ومبيكنش شايف حاجه بعينه اساسا بس احساسه بيخده على تربيزة الاكل عادة او غالبا بيقى بايت تحت التربيزه عشان يلحق الليله من اولها.

*يقعد عالتربيزه تقولشى نيزك وقع من السما و لا قنبله هيروشيما الى وقعت عاليابان و يبندى التعامل وطبعا مفيش بسم الله الشيطان لو هيلحق ياكل معايا يدوس و انا هقوله لا يعنى

*يخش عالرز اول حاجه طبعا سلطة ميييييين يعم ديه الى بنشوفها فى الافلام بس و بايده كلها طبعا معالق مين يعم موصلناش الاختراع ده و يسيب ما بين كل صباع و التانى قول بتاع 2 سم عشان الكبشه تبقى محترمه

*و لو هيغمس هتبقى ليله مطينه على الى قعدين معاه هيعمل اللقمه ودن قطه و تلاقيها فاتت تمسى على كل طبق موجود عالتربيزه من فوق و تحت شمال و يمين تقولشى الخطيب بيمرقص و فجاه تلاقى فتحت بقه بقت من تحت الودان بالظبط وتدخل اللقمه عشان ترقد جوه بسلام

*و شويه بقى يبدا يظهر موهبته فى العزف المنفرد تقولش مزيكا حصب الله شوربه( وففففففف) و النواشف (خشت خشت خشت ) (زو زو زو زو زو ) و ساعتها طبعا بيكون الشيطان نفسه اتسدت و يقوم من عالاكل و يمكن هو الى يقول الحمد لله كمان

*اجمد حاجه انه بيتعامل من غير ما يبصش للى قاعد معاه عالتربيزه د هو اصلا ممكن ميكونش و اخد باله من الى قاعد مش فاضى بقى الله يعينه هيقطع نفسه الراجل

* وبعد حوالى تلت ساعه يصدر القرار بوقف اطلاق النار و تلاقيه قايم ولا كانه واحد كان قافش حرامى جزم فى جامع و نازل فيه ضرب

* وقشطه يعنى يخلص و يمسح ايده ف اى حاجه يلاقيها هدومه ولا مفرش التربيزه مش فارقه يعنى هو لسه هيطخ مشوار لغايه الحمام ده ايه الافترا ده

* يقوم يخبط على بطنه و يطلع صوت زئير الاسد و ممكن يطلع نار من بقه و بعدين يبتدى بقه يتعرف على مين الى كان قاعد عالترببزه عشان يمكن يتسال فبها و لاحاجه

معلش نقول ايه لازم نستحملهم

امر واقع بس مر

تحياتي لكم

::v::

مشكورة مريم على الموضوع الاكثر من رائع

تحياتى لكى

البنت بتاكل بضمير

الولد بياكل بتأنى

::e::

ربــــنا يـــخلــيـكى يامريومة

مواضيعك كلها تجننن وتموت من الضحك

روعه يا مريومتي
ايه الجمال دا
*(الفرق بين طريقة اكل الولد والبنت)* 11209110

شكرا ميدو

مرورك جميل

شكرا كتكوتة

انتي مرورك اللي يجنن و بعد الشر عليكي

شكرا ادمن

يعطيكي الف عافية انتي اللي جميلة يا قمري

مشكورة مريومة علي مواضيعك الرائعة

تحفة يا جميل

شكرا غادة

مرورك يسعدني كثيرا

::v::

اية ياحجة انتى

اية الكلام الى انتى بتقولية دة

البنت بتاكل كدة بس فى حالة واحدة بس

لما بتكون فى مطعم هيا وخطيبها فى اول يوم يخرجو فية مع بعض

وال اية يعنى البت برنسيسة اوى فى اكلها

دى بعد ماتاكل اكل العصافير دة

بتقول لخطيبها بعد اذنك ياحبيبى اروح التواليت اصلح مكياجى

وخلى بالك من كلمة التواليت دى الى مش سمعتها الا فى الافلام

واقطع دراعى لو ماكانتش بتتفرج على تلفزيزن لكانت مفكرة التواليت دة حاجة حلوة

المهم تروح على التواليت عشان ال اية تصلح مكياجها

تكون هيا عاملة حسابها وجايبة معاها 5 سندوتشات فول و5 طعمية

واول ماتدخل تنزل حش فيهم زى ماتكون محرومة من الاكل

وبعد كدة تخرج وتقول لخطيبها معلش ياحبيبى اتأخرت عليك

ياستى هيا دى الحقيقة

واقطع دراعى ان كانت الحقيقة غير كدة

موضوعك اكثر من روعة عزيزتى

لكى منى كل تقدير واحترام

تقبلى تحياتى ومرورى

***(((جناب الكومــــــــــــــــــــــــــــــــــــــــــــــــــــــــــــــــــــــــاندا المهم)))***

هههههههههههههههههههههههههههههههههههههههههههههههههه
حلو اوى التوبيك ده
ورد جناب الكوماندا المهم راااااااااااائع بجد
وعنده حق اصلك وسعتيها شوية فادتيله فرصة يطلع اللى جواه
ههههههههههههههههههههههههههههههههههههههههههههههههههههههههههه
ثانتكس على التوبيك وتقبلى مرورى